عشق دفتريندن بير نئچه چيچك

يا رب بلاي- عشق ايله قيل آشنا مني

بير دم بلاي-عشق دن قيلما جدا مني

آز ائيله مه عنايتيني اهل-درد دن

يعني كي چوخ بلالارا قيل مبتلا مني
گئتديكجه، حوسنون ائيله زياده! نيگاريمين

گلديكجه دردينه بتر ائت! مبتلا مني
ائيله ضعيف قيل تنيمي فرقتينده كيم

وصلينه مومكون اولا يتيرمك صبا مني
نخوت قيليب نصيب فضولي كيمي منه

يا رب مقيد ائيله مه مطلق منه مني

ائيله سر مستم كي ايدراك ائتمزم دونيا نه دير
من كيمم ساقي اولان كيمدير مئ و صهبا نه دير
گرچي جاناندان دل-شيدا اوچون كام ايسته رم
سورسا جانان بيلمزم كام-دل-شيدا نه دير
وصل دن چون عاشيق-مستغني ائيلر بير ويصال
عاشيقه معشوق دان هر دم بو استغنا نه دير
حيكمت دونيا و ما فيها بيلن عاريف دئييل
عاريف اول دور بيلمه يه دونيا و ما فيها نه دير
آه و فريادين فضولي! اينجيديبدير عالمي
گر بلاي عشق ايله خوشنودایسن غوغا نه دير