Wednesday, October 21, 2009

سؤز

دينله‌گيل بو سوزو كي، جان‌دير سؤز****** عالي و آسيمان مكان‌دير سؤز
شئش جهت‌دن مونّزّه آنلا و باخ******** شؤيله كيم خاليق-جهان‌دير سؤز
نازيل و مونزيل آنلا كيم بير‌دير********* كندي كندينه ترجومان‌دير سؤز
طولوع-عرض ايله عومقو بولونماز***** يعني بي‌حد و بي‌نيشان‌دير سؤز
بو حديث‌ه نظر قيل ائي عاقيل********* آنلاياسان كي بي‌گومان‌دير سؤز
عرش-رحمان دئدي، نبي، كؤنوله****چونكو گؤردو كؤنول‌ده قاندير سؤز
دئدي يا كافوها، اعوزو بيك‌ه******* چون علي بيلدي، موستعان‌دير سؤز
غئيري- مخلوق‌دور، نه دئمك اولور***** آنلا كيم ايندي راييگان‌دير سؤز
عقل-كولّ عرش و كورسي، لؤوح و مكان* چهار عونصور نؤه آسيمان‌دير سؤز
ظاهير و باطين، اوّل و آخير************ آشيكارا و هم نيهان‌دير سؤز
ائي عوقول و نسب ائدن ايثبات****** قامويا سؤز دئ كيم، همان‌دير سؤز
كاف و نون‌دان ووجودا گلدي جهان******* اگر آنلار ايسن عيان‌دير سؤز
عيسيي-پاك، آدم و احمد************* مهدي-صاحيب-زمان‌دير سؤز
بو بياني ديلرسن آنلاياسان********** كيم، نئجه‌سي فيلان فيلان‌دير سؤز
جاويدان‌نامه‌يي گتيرگيل اله********** تا بيله‌سن كي، نسنه جان‌دير سؤز
سؤزه بو عيزّ و جاه يئتمز مي******** قايدالار فضل-غئيب‌د‌ان‌دير سؤز
عاقيل ايسن اگر، سؤزنو موختصر ائت** ائي نسيمي چو بي‌گيران‌دير سؤز

Tuesday, October 20, 2009

محّمد عشقي فوضولي شعرينده

ساچما ائى گؤز اشک‌دن کؤنلوم‌ده‌‏کى اودلاره، سو
کيم بو دنلى توتوشان اودلاره، قيلماز چاره سو
آبگوندور گونبد-دوّار رنگى، بيلمزم
يا محيط اولموش گؤزومدن، گونبد-دوّاره سو
ذؤوق تيغيندن عجب يوخ اولسا کؤنلوم چاک-چاک
کيم مورور ايلن بوراخير رخنه‏لر ديواره سو
وهم ايلن سؤيلر ديل-مجروح پئيکانين سؤزون
احتياط ايلن ايچر هر کيم‌ده اولسا ياره، سو
سويا وئرسين باغبان گول‌زارى، زحمت چکمه‏سين
بير گول آچيلماز اوزون تک، وئرسه مين گلزاره سو
اوخشادابيلمز غوبارينى محرّر، خطّينه
خامه تک باخماق‌دان ائنسه گؤزلرينه قاره ‏سو
عارضين يادي‌يله نمناک اولسا موژگانيم، نه‌اولا
ضايع اولماز گول تمنّاسي‌له وئرمک خاره سو
غم گونو ائتمه ديل-بيماردن تيغين دريغ
خئيردير وئرمک قارانقو گئجه‏ده بيماره، سو
ايسته پئيکانين کؤنول، هيجرينده شؤوقوم ساکن ائت
سوسوزام، بيرکز بو صحرادا منيم‌چون آره سو
من لبين مشتاقى‏يام، زوهّاد کوثر طالبى
نه‌تکيم مسته مئى ‏ايچمک خوش گلير، هوشياره سو
رؤوضه‏ى کوي‌ونا هردم دورماييب ائيلر گوذار
عاشيق اولموش غالبا، اول سرو خوش‌رفتاره سو
سو يولون اول کوي‌دان توپراق اولوب توتسام گر‏ک
چون رقيبيم‏دير داخى اول کوي‌ه قويمام واره سو
دست‌بوسي آرزوسو ايله گر ئولسم، دوستلار
کوزه ائيلن توپراغيم، سونون اونونلا ياره، سو
سرو سرکش‌ليک قيلير قومرو نيازيندان، مگر
دامنين توتا آياغينا دوشه، يالواره، سو
ايچمک ايستر بولبولون قانين مگر بير رنگ ايله
گول بوداغى‏نين مزاجينه گيره قورتاره‏ سو
طينت پاک‌ينى روشن قيلميش اهل-عالمه
ايقتدا قيلميش طريق-احمد-موختاره سو
سيد- نوع- بشر، درياى دورّ- اصطفا
کيم سپيبدير مؤعجيزاتى، آتش-اشراره سو
قيلماق ايچون تازه،گولزار نوبووّت رؤونقين
مؤعجيزندن ائيله‏ميش ايظهار سنگ-خاره سو
مؤعجيزى بير بحر- بى‏پايان ايميش عالمده کيم
يئتميش اوندان مين- مين آتشخانه‏ى کوفّاره سو
حئيرت ايلن بارماغين ديشلر کيم ائتسه ايستماع
بارماغيندان وئرديگى شيدّت گونو انصاره سو
دوستو گر زهر-مار ايچسه، اولور آب-حيات
خصمى سو ايچسه، دؤنر البته زهر- ماره سو
ائيله‏ميش هر قطره‏دن مين بحر-رحمت موج‌خيز
ال سونوب اورقاج وضو ايچون گول-روخساره سو
خاک پاي‌ينه يئتم دئر، عومرلردير موتّصيل
باشينى داشدان-داشا وروب گزر آواره سو
ذره- ذره خاک درگاه‌ينا ايستر ساللانير
دؤنمز اُول درگاه‌د‌ان، گر اولسا پاره- پاره سو
ذيکر نعتين وِردينى، درمان بيلير اهل خطا
ائيله‏ کيم دفع-خومار ايچون وئره مئي‌خواره سو
يا حبيب اللَّه! يا خير البشر! موشتاقينام
ائيله ‏کيم لب‌تشنه‏لر يانيب ‌ديلر همواره سو
سن‌سن اول بحر کرامت، کيم شب ميعراجدا
شبنم فئيضين يئتيرميش ثابت و سيّاره سو
چشمه‏ى خورشيددن هر دم زولال فيض ائنر
حاجت اولسا مرقدين تجديد ائدن معماره سو
بيم-دوزخ، نار-غم سالميش ديل-سوزان‌يما
وار اوميديم ابر-احسانين سَپه اول ناره سو
يومن نعتيندن گوهر اولموش فوضولي سؤزلرى
ابر نيساندان دؤنن تک لؤلؤى شهواره سو
خواب غفلت‌دن اولان، بيدار اولاندا روز-حشر
اشک حسرتدن تؤکنده ديده‏ى بيداره سو
اومدوغوم اول دور کى روز حشر محروم اولمايام
چشمه‏ى وصلين وئره من تشنه‏ى- ديداره، سو

Sunday, October 4, 2009

عيرفان ادبياتيندان

ائي درويش! بول عيليم و حيكمت‌‌ اوخوياراق اؤزنو عاليم و حكيم آدلانديرماق‌دان هابئله بول طاعت و عيبادت ائده‌رك اؤزونوعابيد و شئيخ آدلانديرماق‌دان قاچين كي بونلارين هاميسي بلا و عذاب‌دير
عيليم و حيكمت‌دن ضرورت قدري ايله يئتينه‌رك يارارلي‌سيني الده ائت هابئله طاعت و عيبادت‌دن ضرورت قدري ايله يئتينه‌رك واجيب‌لريني يئرينه گتير و آلله‌ي تانيماق‌لا طهارت-نفس الده ائتمك‌دن قاچيناراق ضررسيز و راحات وئريجي اولماقلا اوغراش كي قورتولاسان
عزيزالدين نسفي

Friday, August 28, 2009

قورآن پنجره‌سيندن



بسمِ اللَّهِ الرَّحْمَنِ الرَّحِيمِ
يَأَيهَا الَّذِينَ ءَامَنُوا لا تُقَدِّمُوا بَينَ يَدَىِ اللَّهِ وَ رَسولِهِ وَ اتَّقُوا اللَّهَ إِنَّ اللَّهَ سمِيعٌ عَلِيمٌ
ائي ايمان ائدن‌لر! الله'ين و پئيغمبري‌نين اؤنونه كئچمه‌يين. الله'ا قارشي گلمک‌دن ساقينين. شوبهه‌سيز، الله حاققي‌يلا ائشيدن‌دير، حاققي‌يلا بيلن‌دير
يَأَيهَا الَّذِينَ ءَامَنُوا لا تَرْفَعُوا أَصوَتَكُمْ فَوْقَ صوْتِ النَّبىِّ وَ لا تجْهَرُوا لَهُ بِالْقَوْلِ كَجَهْرِ بَعْضِكمْ لِبَعْضٍ أَن تحْبَط أَعْمَلُكُمْ وَ أَنتُمْ لا تَشعُرُونَ
ائي ايمان ائدنلر! سس‌لرينيزي، پئيغمبر'ين سسي‌نين اوستونه يوکسلتمه‌يين. بيربيرينيزه باغيرديغينيز كيمي، پئيغمبر'ه يوکسک سس‌له باغيرمايين، يوخسا سيز فرقينه وارمادان ايشله‌ديکلرينيز بوشا گئدر
إِنَّ الَّذِينَ يَغُضونَ أَصوَتَهُمْ عِندَ رَسولِ اللَّهِ أُولَئك الَّذِينَ امْتَحَنَ اللَّهُ قُلُوبهُمْ لِلتَّقْوَى لَهُم مَّغْفِرَةٌ وَ أَجْرٌ عَظِيمٌ
الله'ين ائلچيسي‌نين حوضوروندا سس‌لريني قيسان‌لار، الله'ين، گؤنول‌لريني تقوا (الله'ا قارشي گلمک‌دن ساقينما) قونوسوندا سيناديغي کيمسه‌لردير. اونلار اوچون بير باغيشلانما و بؤيوک بير موکافات واردير
إِنَّ الَّذِينَ يُنَادُونَك مِن وَرَاءِ الحُْجُرَتِ أَكثرُهُمْ لا يَعْقِلُونَ
ائي محمّد! اوتاق‌لارين آرخاسيندان سنه باغيران‌لارين چوخو عاغيل‌ائتمه‌ين کيمسه‌لردير
وَ لَوْ أَنهُمْ صبرُوا حَتى تخْرُجَ إِلَيهِمْ لَكانَ خَيراً لَّهُمْ وَ اللَّهُ غَفُورٌ رَّحِيمٌ
اونلار، سن يان‌لارينا چيخين‌جايا قدر صبر ائتسه‌لردي، البتده اونلار اوچون داها اييي اولوردو. الله، چوخ باغيشلايان‌دير، چوخ مرحمت ائدن‌دير
يَأَيهَا الَّذِينَ ءَامَنُوا إِن جَاءَكمْ فَاسِقُ بِنَبَإٍ فَتَبَيَّنُوا أَن تُصِيبُوا قَوْمَا بجَهَلَةٍ فَتُصبِحُوا عَلى مَا فَعَلْتُمْ نَدِمِينَ
ائي ايمان ائدن‌لر! سيزه بير فاسيق بير خبر گتيريرسه، بيلمه‌يه‌رك بير توپلولوغا ضرر وريپ ياپديغينيزا پئشمان اولماماق اوچون او خبرين دوغرولوغونو آراشديرين
وَ اعْلَمُوا أَنَّ فِيكُمْ رَسولَ اللَّهِ لَوْ يُطِيعُكمْ فى كَثِيرٍ مِّنَ الاَمْرِ لَعَنِتُّمْ وَ لَكِنَّ اللَّهَ حَبَّب إِلَيْكُمُ الايمَنَ وَ زَيَّنَهُ فى قُلُوبِكمْ وَ كَرَّهَ إِلَيْكُمُ الْكُفْرَ وَ الْفُسوقَ وَ الْعِصيَانَ أُولَئك هُمُ الرَّشِدُونَ
بيلين کي، آرانيزدا الله'ين ائلچيسي بولونماقدادير. اگر او، بيرچوخ ايشلرده سيزه اويسايدي، سيخينتي‌يا دوشردينيز. فقط الله، سيزه ايماني سئوديرميش و اونو گؤنول‌لرينيزه گؤزل گؤسترميش؛ اينکاري، فاسيق‌ليغي و (ايسلام'ين اميرلرينه) قارشي چيخماغي دا چيرکين گؤسترميش‌دير. ايشده‌ بونلار دوغرو يولدا اولانلارين لاپ اؤزلريديرفَضلاً مِّنَ اللَّهِ وَ نِعْمَةً وَ اللَّهُ عَلِيمٌ حَكِيمٌ
الله، اؤز قاتيندان بير لوطوف و نيعمت اولاراق بؤيله ياپتي. الله حاققي‌يلا بيلن‌دير، حوکوم و حيکمت صاحيبي‌دير
وَ إِن طائفَتَانِ مِنَ الْمُؤْمِنِينَ اقْتَتَلُوا فَأَصلِحُوا بَيْنهُمَا فَإِن بَغَت إِحْدَاهُمَا عَلى الاُخْرَى فَقَتِلُوا الَّتى تَبْغِى حَتى تَفِى ءَ إِلى أَمْرِ اللَّهِ فَإِن فَاءَت فَأَصلِحُوا بَيْنهُمَا بِالْعَدْلِ وَ أَقْسِطوا إِنَّ اللَّهَ يحِب الْمُقْسِطِينَ
اگر اينانانلاردان ايکي گروه بيربيرلري ايله ساواشيرلارسا آرالاريني دوزلدين. اگر بيري اؤته‌کينه قارشي حددي آشارسا، الله'ين بويروغونا دؤنونجه‌يه قدر حددي آشان طرفه قارشي ساواشين. اگر (الله'ين امرينه) دؤنرسه، آرتيق آرالاريني عدالت‌له دوزلدين و (اونلارا) عدالتلي داورانين. چونکو الله، عدالت‌لي داورانانلاري سئور
إِنَّمَا الْمُؤْمِنُونَ إِخْوَةٌ فَأَصلِحُوا بَينَ أَخَوَيْكمْ وَ اتَّقُوا اللَّهَ لَعَلَّكمْ تُرْحَمُونَ
مؤمين‌لر آنجاق قارداش‌ديرلار. اؤيله‌ ايسه قارداشلارينيزين آراسيني دوزلدين. الله'ا قارشي گلمک‌دن ساقينين کي سيزه مرحمت ائديلسين
يَأَيهَا الَّذِينَ ءَامَنُوا لا يَسخَرْ قَوْمٌ مِّن قَوْمٍ عَسى أَن يَكُونُوا خَيراً مِّنهُمْ وَ لا نِساءٌ مِّن نِّساءٍ عَسى أَن يَكُنَّ خَيراً مِّنهُنَّ وَ لا تَلْمِزُوا أَنفُسكمْ وَ لا تَنَابَزُوا بِالاَلْقَبِ بِئْس الاسمُ الْفُسوقُ بَعْدَ الايمَنِ وَ مَن لَّمْ يَتُب فَأُولَئك هُمُ الظلِمُونَ
ائي ايمان ائدن‌لر! بير توپلولوق بير ديگريني آلايا آلماسين. بلکي اونلار بيله‌لريندن داها اييي‌ديرلر. قادينلار دا ديگر قادينلاري آلايا آلماسين. بلکي اونلار بيله‌لريندن داها اييي‌ديرلر. بيربيرينيزي قارالامايين، بيربيرينيزي (کؤتو) لقب‌لرله چاغيرمايين. ايماندان سونرا فاسيق‌ليک نه کؤتو بير نامدير! کيم دئ تؤبه ائتمئزسه، ايشده اونلار ظاليملرين لاپ اؤزودور
يَأَيهَا الَّذِينَ ءَامَنُوا اجْتَنِبُوا كَثِيراً مِّنَ الظنِّ إِنَّ بَعْض ‍ الظنِّ إِثْمٌ وَ لا تجَسسوا وَ لا يَغْتَب بَّعْضكُم بَعْضاً أَ يحِب أَحَدُكمْ أَن يَأْكلَ لَحْمَ أَخِيهِ مَيْتاً فَكَرِهْتُمُوهُ وَ اتَّقُوا اللَّهَ إِنَّ اللَّهَ تَوَّابٌ رَّحِيمٌ
ائي ايمان ائدنلر! ظنّ‌ين بير چوخوندان ساقينين. چونکو ظنّ‌ين بير قيسمي گوناه‌دير. بيربيرينيزين قوصورلاريني و محرمييت‌لريني آراشديرمايين. بيربيرينيزين غييبتيني ياپمايين. هرهانسي بيرينيز اؤلو قارداشين‌نين اتيني يئمک‌دن خوشلانير مي؟ ايشده بوندان ديکسيندينيز! الله'ا قارشي گلمک‌دن ساقينين. شوبهه‌سيز الله تؤبه‌ني چوخ قبول ائدن‌دير، چوخ مرحمت ائدندير
يَأَيهَا النَّاس إِنَّا خَلَقْنَكم مِّن ذَكَرٍ وَ أُنثى وَ جَعَلْنَكمْ شعُوباً وَ قَبَائلَ لِتَعَارَفُوا إِنَّ أَكرَمَكمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ
ائي اينسان‌لار! شوبهه يوخ کي، بيز سيزي بير ارکک و بير ديشي‌دن ياراتديق و بيربيرينيزي تانيمانيز اوچون سيزي بويلارا و قبيله‌لره آييرديق. الله قاتيندا أن دگرلي اولانينيز، او'نا کارشي گلمک‌دن أن چوخ ساقينانينيزدير. شوبهه‌سيز الله حاققي‌يلا بيلن‌دير، حاققي‌يلا خبردار اولاندير
* قَالَتِ الاَعْرَاب ءَامَنَّا قُل لَّمْ تُؤْمِنُوا وَ لَكِن قُولُوا أَسلَمْنَا وَ لَمَّا يَدْخُلِ الايمَنُ فى قُلُوبِكُمْ وَ إِن تُطِيعُوا اللَّهَ وَ رَسولَهُ لا يَلِتْكم مِّنْ أَعْمَلِكُمْ شيْئاً إِنَّ اللَّهَ غَفُورٌ رَّحِيمٌ
بدوي‌لر " ايمان ائتديک " دئديلر. دئ کي: " ايمان ائتمه‌دينيز. (اؤيله ايسه، " ايمان ائتديک " دئمة يين.) " فقط بويون ايديك " دئيين. هنوز ايمان قلب‌لرينيزه گيرمه‌دي. اگر الله'ا و پئيغمبرينه ايطاعت ائدرسنيز، ياپديقلارينيزدان هيچ بير شئيي اکسيلتمز. الله چوخ باغيشلاياندير، چوخ مرحمت ائدن‌دير
إِنَّمَا الْمُؤْمِنُونَ الَّذِينَ ءَامَنُوا بِاللَّهِ وَ رَسولِهِ ثُمَّ لَمْ يَرْتَابُوا وَ جَهَدُوا بِأَمْوَلِهِمْ وَ أَنفُسِهِمْ فى سبِيلِ اللَّهِ أُولَئك هُمُ الصدِقُونَ
ايمان ائدن‌لر آنجاق، الله'ا و پئيغمبرينه اينانان، سونرا شوبهه‌يه دوشمه‌ين الله يولوندا ماللاري‌يلا و جانلاري‌يلا جيهاد ائدن‌لردير. ايشده اونلار دوغرو کيمسه‌لرين اؤزلريديرلر
قُلْ أَ تُعَلِّمُونَ اللَّهَ بِدِينِكمْ وَ اللَّهُ يَعْلَمُ مَا فى السمَوَتِ وَ مَا فى الاَرْضِ وَ اللَّهُ بِكلِّ شىْءٍ عَلِيمٌ
ائي محمّد!) دئ کي: " سيز الله'ا دينينيزي مي اؤيريرسينيز؟ اويسا الله، گؤي‌لرده‌کي و يئرده‌کي هر شئيي بيلير. الله، هر شئيي حاقي‌يلا بيلن‌دير
يَمُنُّونَ عَلَيْك أَنْ أَسلَمُوا قُل لا تَمُنُّوا عَلىَّ إِسلَمَكم بَلِ اللَّهُ يَمُنُّ عَلَيْكمْ أَنْ هَدَاشْ لِلايمَنِ إِن كُنتُمْ صدِقِينَ
موسلمان اولمالاريني بير لوطوف‌دا بولونموش كيمي سنه خاطيرلاتير‌لار. دئ کي: " موسلمان اولمانيزي بير لوطوف كيمي منه خاطيرلاتيپ دورمايين. تام ترسينه اگر دوغرو کيمسه‌لرسنيز سيزي ايمانا ارديرمه‌سيندن دولايي الله سيزه لوطوف‌دا بولونموش اولور
إِنَّ اللَّهَ يَعْلَمُ غَيْب السمَوَتِ وَ الاَرْضِ وَ اللَّهُ بَصِيرُ بِمَا تَعْمَلُونَ
شوبهه‌سيز الله، گؤي‌لرين و يئرين غيبيني بيلير. الله ياپديق‌لارينيزي حاقي‌يلا گؤرن‌دير

Monday, August 3, 2009

سئوگي

دوي! شيكايت ائتمه‌ده هر آن بو نئي
آنلادير هئپ آيريليقلاردان بو نئي
در كي فرياديم قاميشليق‌دان گلير
دويسا هركيم گؤزلريندن قان گلير
آيريليقدان پارچالانميش بير اورك
ايسترم من درديمي توكمم گرك
كيم كي اصليندن آييرميش جانيني
اؤيله بكلر اؤيله ووصلت آنيني
آغلاديم هر يئرده هئپ آه ائيله‌ديم
گؤردويوم هر قول اوچون دوستوم دئديم
هر كسين ظنينده دوست اولدوم آما
كيمسه طاليب اولمادي اسراريما
هيچ دئييل فرياديما سيرّم اوزاق
نرده بير گؤز نرده بير جاندان قولاق
آينادير تن جان اوچون جان تن اوچون
لاكين اولماز جان گؤزو هر كيمسه‌نين
نئي سسي تكميل هاوا اولدو آتش
هم يوخ اولسون كيمده يوخسا بوآتش
عشق آتش اولموش تؤكولموش‌دور نئيه
جذبه‌سي عشقين قاريشميش‌دير مئيه

Monday, May 25, 2009

بسم‌الله‌الرحمن‌الرحيم، لا تدركه الابصار و هو يدرك الابصار و هو الطيف الخبير

لطيف حاقيندا "چاغيراني اجابت‌ائدن، سيغينماق ايسته‌يه‌ني سيغينديران، دوستلوغا چاليشانا ياخينلاشان، اطاعت‌كارا مكافات‌ وئرن، اطاعت ائتمه‌يه‌ني عفو ائدن، اوز چئويرني چاغيران، اونا دوغرو گئدنه يول گؤسترن، ها بئله وفاداري گؤزلجه مكافات‌لانديران و جفاكاري باغيشلايان" كيمسه‌ اولدوغونو سؤيله‌ميشلر

Tuesday, April 14, 2009

عشق گولوستان‌يندان

ائي ازلي جان‌ايله جانان‌يميز
عشق روخوندور ابدي جان‌يميز
كعبه اوزون‌ده بيزه ائي فضل حق
زولفي روخون قيبله و ايمان‌يميز
وجهينه يازدي اوتوز ايكي حروف
حكمت‌ايله مونشيي اركان‌يميز
صورتي چون احسن تقويم‌ايميش
سنده ظهور ائيله‌دي سبحان‌يميز
صَوّرك آللهُ علي شكِله
اوشته نبي‌نين سؤزو برهان‌يميز
مؤمينه، حق دونياني زيندان دئدي
مؤمينه چوخ قالمايا زيندان‌ميز
اويمادي عاريف سؤزونه واعظ‌‌ين
ديوه مطيع اولمادي انسان‌يميز
اوّل و آخر ده اوزون دور اوزون
صنع خودا قدرت يزدان‌يميز
كيم كي سجود ائيله‌مه‌دي حسنونه
ديو لعين اولدو و شيطان‌يميز
جان نئجه ترك ائيله‌سين ائي جان سني
چون‌كو جان‌ين جاني‌سان ائي جان‌يميز
پرده اوزون‌دن گؤتور ائي صورت‌ين
فضل الهي‌ايله رحمان‌يميز
عين‌يمه سن‌سيز تيكان اولدو جهان
قانداسان ائي تازه گولوستان‌يميز
تا بيله‌سن كيم نئجه‌دير ائي فقيه
آدم خاكي‌ايله احسان‌يميز
هود هودو با‌لقيس‌ه رسول ائيله‌دي
نامه‌ني گؤندردي سليمان‌يمز
جور‌ايله يانديردي نسيمي‌ني دوست
هم بو ايدي دوست‌ايله پئيمان‌يميز