من ده سيغار ايكي جهان، من بو جهانه سيغمازام
گوهر-لامكان منم، كؤن و مكانه سيغمازام
عرش ايله فرش و كاف و نون، منده بولوندو جمله چون
كس سؤزونو و عبثم اول، شرح-بيانه سيغمازام
كؤن-مكان دير آيتيم، ذاتيدورور بيدايتيم
سن بو نيشانلا بيل مني، بيل كي نيشانه سيغمازام
كيمسه گومان و ظن ايله اولمادي حق ايله بيليش
حقي بيلن بيلير كي من ظن و گومانه سيغمازام
صورته باخ و معني ني صورت ايچينده تاني كيم
جيسم ايله جان منم ولي جيسم ايله جانه سيغمازام
هم صدفم هم اينجي يم، حصر و صراط اسينجي يم
بونجا قوماش و رخت ايله، من بو دوكانه سيغمازام
گنج-نهان منم من اوش، عين عيان منم من اوش
گوهر-كان منم من اوش، بحري و كانه سيغمازام
گرچي محيط-عظمم، آديم آدمدير ، آدمم
طور ايله كون فكان منم، من بو مكانه سيغمازام
جان ايله هم جهان منم، دهر ايله هم زمان منم
گؤر بو لطيفه ني كي من، دهر و زمانه سيغمازام
انجم ايله فلك منم، وحي ايله هم ملك منم
چك ديليني و عبثم اول، من بو ليسانه سيغمازام
ذره منم گونش منم، چار ايله پنج و شيش منم
صورتي گور بيان ايله، چونكو بيانه سيغمازام
No comments:
Post a Comment